Шолулар
«Қыз-Жібек» — қазақ халқының ең көрнекті лиро-эпостық жырларының бірі. Бұл — махаббат пен адалдықты жырлаған мәңгілік хикая. Төлеген мен Жібек — бір-біріне ынтық, алайда тағдыр сынағына түскен қос ғашық. Бұл жыр көптеген өнер туындыларына арқау болды: 1970 жылы көркем фильм түсірілді, опера сахнасында қойылып, театрларда сахналанды. Енді бұл аңыз Karavansaray Turkistan кешенінде су қойылымы ретінде жаңа өмірге ие болды.
«Томирис» — түркі әлемінің ғана емес, күллі қазақ халқының рухани тарихындағы ерекше тұлға. Ол — батыр ана, дана көсем, тәуелсіздік жолында күрескен жауынгер әйел. Оның өмірі туралы фильмдер түсіріліп, опералар мен театр қойылымдары қойылды. Енді бұл аңыз Қазақ даласының жүрегінде — Karavansaray Turkistan кешенінде заманауи су шоуы ретінде қайта жаңғырды. Бұл — қазақ халқының тарихи мұрасына арналған жаңа сахналық үлгі.
